Hun khirh te a daihrei ngailo a, mi tumruh te an daihrei zawk thin - Chief Minister

Chief Minister Zoramthanga chuan Sports Infrastructure bakah kawng hrang hrangah a remchan dan anga hmalak a nih thu sawiin, Hun khirh tak tak leh harsatna te awm thin mahse economy in chak zawka hma a sawnna tur kawng a inhawn zel a beisei thu a sawi a, “Hun khirh te a daihrei ngailo a, mi tumruh te an daihrei zawk thin,” a ti.

Aizawl Smart City Ltd. hnuaia Zemabawk Playground sak tur chu lungphum phumna puala inkhawm nimin-a Zembawk Judo Hall-a neih ah Chief Minister Zoramthanga chuan sawrkarin Sports tihhmasawna kawnga hma a lakna te sawiin, infiamna chu taksa sawizawina satliah mai ni lovin eizawnna tha leh ngelnghet tak a nih theih zia kan infiammi hlawhtling tak takte atangin kan hmuh thu a sawi a. Sports chu Industry a nih zia te, thalai a tui mi leh talent neite'n chutiang kawnga an kal theih nan sawrkar chuan Sports Infrastructure tha zawk dina a bulthut (grassroot) atangin thuamtha a hmalak a nih dan leh Football mai nilo Sports discipline hrang hrangah hmalak a nih thu a sawi a. Sports infrastructure bakah kawng hrang hrangah a remchan dan anga hmalak a nih thu sawiin, Hun khirh tak tak leh harsatna te awm thin mahse economy in chak zawka hma a sawnna tur kawng a inhawn zel a beisei thu sawiin, “Hun khirh te a daihrei ngailo a, mi tumruh te an dairei zawk thin,” a ti a ni.

Zemabawk Playground sak hna Aizawl Smart City Ltd. hnuaia thawh tur niin cheng vbc. 25.66 senga thawh tur a ni a, M/S Northeast Consultancy Services (NECS) chu hnathawktu tur niin October ni 15, 2023 a zawh tura ruahman a ni a, tunah hian a laih hna thawk tan a ni tawh bawk. He hmalakna hnuaiah hian Playground bakah 4 Wheeler 45 Park theihna leh 2 Wheeler 61 park lenna ruahman a nih bakah Gallery pahnih, mi 1033 thut lenna leh mi 758 thut lenna tur te leh tul dangte ruahman a ni bawk.

Nimin-a lungphum phumna hun hi UD&PA Secretary Lalmalsawma Pachuau chuan kaihruaiin AMC Mayor Lalrinenga Sailo chuan thu a sawi bakah mi pawimawh dang te pawhin he hun hi an hmanpui a ni.

Comments

Popular News (Last 30 Days)

LPG man bithliah thar