Raltlan let duh lo tan awmna hmun a awm tih sawi

Supply Minister K. Lalrinliana chuan Mani-pur buaina avanga sahimna zawnga Mizorama rawn lut te chu an chenna hmunah let leh duh an awm chuan an let leh thei ang a, an let duh lo a nih chuan Bairabi bulah chhungkaw 100 awm theihna tur ram a awm thu a sawi.

Nimin khan Kolasib Town Joint VC Association chuan Kolasib Town chhunga Manipur atanga raltlante chu Tuitha Veng Community Hall-ah kokhawmin hun an hmanpui a, he hunah hian Kolasib bialtu MLA leh Minister K. Lalrinliana chuan tun hma chuan Mizo leh Mizo an in do thin a, chuvang chuan hmun hrang hrangah thendarhin an awm phah a, hun a lokal a, tunah chuan tum reng vang ni lovin hruaikhawm in an awm mek tih a sawi a. Neih ang ang an ei ho ang a, theih angin an intuam-hlawm zel ang tih sawiin, Mizoram-a tlawmngai pawl hrang hrangte nen hmun dang ttanga lokal unaute tuamhlawmin, an ngaihven reng a ni, a ti bawk.

Minister K. Lalrinliana chuan Zohnah-thlak peng hrang hrang- Hmar, Paite, Thado, Kuki, Lai, Mara leh a dang tam tak te chu Mizo an nih angin an tawng hman apiang chu Mizo tawng a ni tih pawh he hunah hian sawiin, Zohnah-thlakte an inpumkhat chuan hnam lian leh ropui takah Pathian in a siam ang tih a sawi bawk.