Hmasawnna leh Environment humhalh hna in su buailo-a a kalkawp theih a pawimawh thu sawi

Environment, Forest and Climate Change Department changtu Minister TJ. Lalnuntluanga chuan khawvel thiamna a sang chho zelah kan environment nasa takin a inthlak danglam tih sawiin, hmasawnna leh environment humhalh hna chu in su buailo-a a kalkawp theih nan thiamna sang tak kan neih a pawimawh thu a sawi.

International Day for Biodiversity 2023 puala inkhawm nimin-a IASE Auditorium Republic Veng, Aizawl-a neih a hmanpuina ah Environment, Forest and Climate Change Department changtu Minister TJ. Lalnuntluanga chuan International Biodiversity Day chu kan khawvel sik leh sa inthlak danglam chho zel leh nungchate dinhmun en hian khawvel a hun pawimawh ber pawl a ni tih a sawi a. “Khawvel ah thiamna a sang chho zel a, amaherawhchu kan Environment lah nasa takin a inthlak danglam a, hei vang hian hmasawnna leh environment humhalh hna chu in su buailo-a a kalkawp theih nan thiamna sang tak bakah Moral dik kan neih a pawimawh a ni,” a ti a. Kan ram-a thing leh mau leh nungchate enkawlna kawngah Forest Department leh Environment pawl chi hrang hrang chak taka hma an lak thu sawiin, Biodiversity Board te din a nih thu leh Forest Act hrang hrang leh lui tui humhalh kawngah pawh Dan mumal tak kan nei tih sawiin, hemi kawnga hmasawnna pawh a kal chho zel tih a sawi a. Environment leh Biodiversity enkawl hna ah sawrkar, pawl leh mimal thawhhona a pawimawh takzet tih sawiin, “Chuvang chuan Mizoram hi ram nuam zawka kan siam theih nan kan za a kan mawhphurhna theuh te hria a kan tanrual a ngai a ni,” a ti bawk.

International Day for Biological Diversity Day puala nimin-a hun hman ah hian Principal Secretary & PCCF, Mizoram State Biodiversity Board Chairman RK. Singh IFS chuan Biodiversity humhalh pawimawh zia leh a enkawl zui dan tur chu kan in hrilh chhawn zel a pawimawh thu a sawi a. Prof. John Thanzama, Bio-Technology Head of Department, Mizoram University chuan PowerPoint presentation a pek bakah kumin-a Biodiversity Day denchhena zirlai naupangte tana Painting leh Quiz Competition lawmman sem nghal a ni bawk.

International Day for Biological Diversity hi kumtin May 22-ah hman thin a ni a, kumin atan hian 'From Agreement to Action: Build Back Biodiversity' tih chu thupui atan hman a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar