Governor in chanchinbu chhuahtu thenkhat kawm

Mizoram Governor Dr. Hari Babu Kambhampati chuan nimin khan tualchhung chanchinbu chhuahtu thenkhat te kawmin chawchhun a kilpui.

Raj Bhavan-a chanchinbu chhuahtute a kawmna ah hian Governor chuan Mizoram tana thil pawimawh nia a hriat te sawiin, Print Media Publisher te a hna pawimawh ber chu Mizoram Sawrkar leh Central Sawrkar inkar ah thawk palai, Central a nawr tul apiang te nawr a, State mamawh State Official ten an thehluh te umzui bakah a tul anga State tana theihtawp chhuah a ni tih a sawi a. Mizoram-ah hmasawnna atan Media ten hna pawimawh tak an thawk nia a hriat thu sawiin, theih tawp chhuah chhunzawm turin a chah bawk. Governor leh Media Publisher te inkawmnaah hian thupui bik awm lovin Mizoram hmasawnna atana pawimawh leh tih tul deuh nia hriat te sawiho a ni a. Heng ah te hian Media in engtin nge hma a lak ang tih te sawiho a ni bawk a. Kawlphetha siamchhuah, Kawngpui, Skill Development, Bank leh loan kaihhnawih, Central Welfare leh Security Scheme mipui nawlpuiin an hmelhriat theih dan tur te leh thil pawimawh dang te sawiho a ni.

Nimin-a Governor nena inkawmnaah hian Print Media Publisher te lam atangin K. Sapdanga (Editor, Vanglaini); C. Lalrambuatsaiha (Editor, The Aizawl Post); Vanlalrema Vantawl (Editor, Zalen); Adam Halliday (Editor, The Frontier Despatch); K. Zabiaka (Editor, Newslink) leh MK. Dey (The Mizoram Post) te an tel a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar