Union Budget-a sum haichhuah ah tan lak thar tul ti

Information & Communication Technology changtu Minister Robert Romawia Royte chuan Mizoram sawrkar Department-te chu State Budget-ah chauh innghat lova, Union Budget-a hmasawnna sum awm te haichhuah kawngah tan lak thar a tul tih a sawi.

Aizawl Common Service Center Society-in nimin-a Annual General Body Meeting Taxation Department Auditorium-a an neih a hmanpuina ah ICT Minister Robert Romawia Royte chuan Mizoram Budget atangin ICT Department-in cheng nuai 507.38 chauh nei mah se, thawktute hmalakna zarah Mizoram Budget pawn atangin hmasawnna hnathawhna tur cheng nuai 9200 zet an nei tih a sawi a. Mizoram sawrkar department-te chu State Budget-ah chauh innghat lova, Union Budget-a hmasawnna sum awm te haichhuah kawngah tan lak thar a tul a ni, a ti. PMJVK scheme hnuaiah IT Development Training Center din nan cheng nuai 690 sanction a nih tawh thu te, Village Knowledge Center 15 din nan NABARD hnuaiah cheng nuai 427.35 hmuh a nih thu leh VSAT hmanga tuam thar khaw 500-ah Free Wifi Connection pek tum a nih thu te a sawi a. Changtlung zawka Internet leh Mobile Connectivity pekchhuah a nih theih nan khaw 79 te chu OPGW (Optical Fibre Network) hmanga thlunzawm an nih tur thu sawiin, hemi atan hian cheng nuai 5000 chu SASCI Part V hnuaiah hmuh a nih tawh thu leh State Data Center tihchangtlun nan SASCI Part IV atangin cheng nuai 2250 hmuh a nih tawh thu a tarlang bawk.

Tun dinhmunah Mizoram-ah CSC 940 awm mekin Sawrkar kum liamta chhung khan transaction 116,000 neiin cheng vbc. 26 an thawk-chhuak a; sawrkar Department leh Bank hrang hrang te nen inthlunzawmin mipui tan rawngbawlna (service) hna pawimawh tak an thawk mek a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man