ITLF hruaitu ten Central YMA hruaitute an kawm

Tunhnaia Manipur State tualchhung buaina avanga Manipur-a cheng Zohnahthlak Hnam pual pawl hrang hrangte intélkhawmna tura din thar, Indigenous Tribal Leaders Forum (ITLF) hruaitute chuan an Chairman Pagin Haokip hovin Central YMA hruaitute an kawm.

Heng ITLF hruaitu mi 17 te hi Central YMA President R Lalngheta leh a thawhpui ten lo dawngsawngin Pagin Haokip chuan, buaina an neih tirh phat atangin YMA hnena an tlukluh hma leh tanpuina an dil hma hauh atangin Inpui nih tlin takin kawng engkimah tanpuina an hmuh avangin lawmthu a sawi a. Zohnahthlak Hnam hrang hrangten unau hmel hài lo nei tawh thin mah se, Pathian remruat angin tunah chuan an duh emaw, duh lo emaw Mizoram mipuite kutah an rawn tlulut ta tih a sawi a, in unauna tha tak nen an harsatna tawh mek pawh hi an hmachhawn thei tawh dâwn tih a sawi a. An hmalam hun atan kawng tinrengah Inpui nghaktu Mizoram mipuite tanpuina leh chhawmdawlna an ngen tak meuh meuh tih a sawi bawk.

Central YMA President R. Lalngheta chuan Manipur-a Zohnahthlak thenkhatte chungah a Mizo leh YMA ang pawhin lâwm chiah lohna te pawh lo nei thin tawh mah se hun kal tawh theihnghilh vekin tuna Zohnahthlak unau ten harsatna an tawh mek chu an chunga tla ang tho a nih thu leh, inkuangkuah theihna bân chuan fân tawp a nei theia a rin loh thu a sawi. Central YMA President chuan an pianthar tak avangin Mizote an lawm a, da leh ngai tawh lo se tih chu YMA te duh dan a nih thu a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man