Serchhip-ah Paragliding Training kharna nei

India ram pum huap ni 50 chhung awh Paragliding Training kharna kharna chu nimin khan Serchhip Bawngchawm-a Paragliding Take-off Point-ah neih a ni.
He training kharna hun hi Serchhip SP Vanlalnghenga MPS chuan khuallian nia hmanpuiin Serchhip in Paragliding tihna hmun tha tak kan nei chu kan vanneih thu leh hetiang lama tui mite tana Training hlawhtling tak Mizoram Aerosport Association in a buatsaih thei pawh lawmawm a tih thu a sawi a, training-a tel ten an tangkaipui a beisei thu leh theihtawp chhuah zuia hlawhtlinpui ngei turin duhsakna a hlan a. Serchhip SP chuan Paragliding chu Sports hmuhnawm leh nuam, khualzin hip nan te, eizawn nan leh intihhlim nan te a tangkai tak tur nia a hriat thu a sawi bawk.

Nimin-a training kharna hunah hian Master Instructor Avi Malik chuan Report pe in a tirah mi 50 ten training bul tanin engemaw harsatna avanga training zo thei lo mi 9 an awm a, Trainee te hi Mizoram bakah Himachal Pradesh, Uttarakhand, Arunachal Pradesh, Punjab, Assam, Manipur, Nagaland, Sikkim, West Bengal, Kerela leh Meghalaya atanga telin North East State atangin Tripura tih loh State dang zawng atangin tel an awm a, anzinga 20 hi Mizo an ni. Pilot Training hi Mizoram Aerosport Association in NEC puihna hmanga a buatsaih niin March ni 29 khan Champhai-ah nei tanin Serchhip-ah hian a hmawr bàwkna neih a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man