Chhiah hmuh tam ber thla ah vbc. 134.78 lut

Mizoram sawrkar Taxation Department chuan sawrkar kumthar hnu, April, 2023-ah Chhiah Rs. 1,34,78,34,419 a hmu nghal a, thla khat a chhiah a hmuh tam ber a tling nia hriat a ni.

Taxation Department hian April, 2023 khan GST-ah Rs. 1,07,59,54,329 hmuin, Profession tax-ah Rs. 42,03,619, Sales Tax-ah Rs. 26,76,65,331 leh Chhiah dang atangin Rs. 11,140, a vaiin Rs. 1,34,78,34,419 an hmu tling a. Thla liamta April a chhiah hmuh zat ang hi thla dangah hmuh a la ni ngai lo nia hriat niin, January, 2023 khan Rs. 1,10,99,28,370 hmuh a lo ni tawh bawk.

Taxation Department hian GST, VAT leh Profession Tax atangin chhiah a lakhawm a, Financial year 2022-23 chhunga Tax Revenue a hmuh zawng zawng chu cheng vbc. 1,020.66 a ni a, Revised Estimate (RE)-ah cheng vbc. 900 hmu tura beisei an nih laiin RE target hi cheng vbc. 120.62-in an khum a. State’s Own Tax Revenue (SOTR) target cheng vbc. 917.79 pawh cheng vbc. 102.87-in an khum bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar