Police fa zirlai hlawhtling te chawimawina hlan

Kumin-a HSLC leh HSSLC Exam-a Ser-chhip District-a Police (District Executive Force) Staff fa te zinga hlawhtlinna chang te lawmpuina hun chu nimin khan Serchhip SP Conference Hall-ah neih a ni.

Police fa zirlai pawl 10 (HSLC) leh pawl 12 (HSSLC) pass te lawmpuina hun hi Serchhip SDPO Kaste Romalsawma chuan kaihruaiin Serchhip Addl. SP Saidingliana Sailo chuan zirlai kalkhawmte fuihna thu a sawi a, HSLC pass zirlai te hnenah lawmpuina thuziak hlanin Serchhip SDPO hian HSSLC pass te hnenah lawmpuina thuziak a hlan bawk a, Serchhip SP Office-a RO Ispr. H. Biakchhuma chuan zirlai naupangte lawmpuina thu leh fuihna thuchah sawiin, zirlaite chu an kal zelna turah duhsakna a hlan bawk a ni.

Kumin a HSLC Exam result chhuakah khan Serchhip DEF hnuaia thawk fa te zingah mi 14 pass in Distinction-ah mi 5, First Division-ah 4, Second Division-ah 2 leh Third Division-ah mi 3 in an pass a. HSSLC Exam-ah zirlai 10 pass in Distinction-ah 1, First Division-ah 3, Second Division-ah 4 leh Third Division-ah mi pahnih ten an pass a. Nimin a heng zirlai chawi-mawina hunah hian zirlai naupang nu leh pa bakah irlai naupangte pawhin thu an sawi bawk.

Comments

Popular News (Last 30 Days)

Vawiin-ah HSSLC Exam result