HSSLC Exam result chhuakah Serchhip District-a zirna In hrang hrangin an titha thawkhat

Mizoram Board of School Education (MBSE) in nimin-a pawl 12, Higher Secondary School Leaving Certificate (HSSLC) Exam result a tihchhuah ah Serchhip District-a zirna In hrang hrang ten an titha thawkhat hle.
Nimin-a HSSLC Exam result tihchhuah ah hian Serchhip District atangin Arts Stream-ah mi 553 exam in 475 in an pass a, za zela 85.9 pass ang niin District hrang hrang zingah a titha ber dawttu District a ni a. Govt. HSS Serchhip-ah zirlai 130 exam in 98 an pass a, za zela 77.38 pass in 1st Division-ah 12, 2nd Division-ah 33 leh 3rd Division-ah 53 an pass a, zirlai 32 an fail thung a ni. Brilliant HSS atangin zirlai 54 exam-ah 53 an pass a, pakhat fail in za zela 98.15 in an pass a, Distinction-ah 4, 1st Division-ah 26, 2nd Division-ah 20 leh 3rd Division-ah 3 in an pass a ni. Eklavya Model Residential School atangin zirlai 26 exam-ah 22 pass in pass percentage chu 84.62 a ni a, 1st Division-ah 7 leh 2nd Division-ah 15 pass in 4 an fail thung. Chhiahtlang HSS atangin zirlai 20 exam te pass vekin Distinction-ah 1, 1st Division-ah 5, 2nd Division-ah 9 leh 3rd Division-ah 5 in an pass bawk.

District chhunga zirna In dang zingah St. Peter’s HSS Chhingchhip atangin mi 60 exam in 59 an pass a, Thenzawl HSS atangin zirlai 77 exam-ah 68 an pass a, Hmingthangi Memorial HSS East Lungdar atangin zirlai 32 exam in 21 an pass  bawk. North Vanlaiphai HSS ah zirlai 39 exam in 36 an pass a, Bungtlang HSS-ah zirlai 29 exam in 23 an pass a, Chhuanthar HSS-ah zirlai 31 exam in 24 an pass a, Baktawng HSS-ah zirlai 16 exam zingah 15 pass in Khawlailung HSS-ah zirlai 39 exam-ah 36 an pass bawk a ni.

Science stream-ah zirlai 82 exam in 59 an pass a, za zela 71.95 pass ang niin Govt. HSS Serchhip zirlai 44 exam in 26 an pass a, mi 118 fail in za zela 59.1 in an pass a, 1st Division-ah mi 6 leh 2nd Division-ah 20 in an pass a ni. Eklavya Model Residential School Serchhip atangin zirlai 13 exam-ah 9 pass in 1st Division-ah mi 4 leh 2nd Division-ah mi 5 an pass a, zirlai 4 te fail in za zela 69.23 an pass a ni. St. Peter’s HSS Chhingchhip atangin zirlai 24 exam-ah 23 an pass a, za zela 95.83 pass ang niin Distinction-ah 1, 1st Division-ah 15 leh 2nd Division-ah 7 an pass bawk a, Private-a Exam mi pakhat chu 2nd Division-ah a pass bawk.

Commerce-ah District pumah zirlai 11 exam awmin an pass vek a, an vai hian Brilliant HSS Serchhip atanga Exam vek niin 1st Division-ah 2, 2nd Division-ah 7 leh 3rd Division-ah mi pahnih in an pass a, Serchhip District chiah hi pass vekna District a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man