Pawlrang tharchhuah Dawhfawh hralhna hmun tlawh

Lengteng bial chhunga Pawlrang khua in dawnfawh an tharchhuah Mawmrang Farmer Producer Company (FPC) ten an hralh sakna hmun Aizawl Chanmari-a mi chu Inrinni khan Agriculture Minister C. Lalrinsanga chuan a tlawh.

Minister C. Lalrinsanga chuan Lengteng bial in hlawhtling taka dawnfawh an tharchhuak chu lawmawm a tih thu sawiin, Zoram mipuite chu mahni ram dawnfawh thar ngei mai chu kuthnathawktute hamthat nan tlawmngaia leisak turin a ngen a. Mawmrang FPC hotute chuan Lengteng bial-a kut hnathawktuten an dawnfawh tharchhuah hralh kawngah harsatna an tawk tih hriaiin a hralhna lamah an puih thin thu leh a Tui (juice) te siamchhuah saka an tihral pui mek thu an lo hrilh a ni.

He hunah hian bialtu MLA leh Human Resources Development Board Vice Chairman Dr. L. Thangmawia chuan a bial-ah kuthna-thawktu taima tak tak an tam thu leh dawnfawh hi kumin hian a bial chhung- Ngopa, Lamzawl, Chiahpui leh Pawlrang khua ten hlawhtling taka tam tham tak an thar thu a sawi a, a hralhna lama tlawmngaih chhuahpuitu Mawmrang FPC leh Clover Organic Pvt. Ltd. te chungah a bial mipuite aiawhin lawmthu a sawi a, dawnfawh chingtute tanpui nan a bial thar dawnfawh chu mitin ten tlawmngai a lo leisak chhunzawm zel turin a ngen bawk.