May thla chhungin COVID-19 hri kai mi 7 boral tawh

Kumin May thla chhungin COVID-19 vangin Mizoram-ah mi 7 an thi tawh a, nimin thleng khan hri kai mi 48 an awm mek a ni.

Integrated Disease Surveillance Programme (IDSP) hotute sawi danin Inrinni tlai khan Aizawl Chanmari Veng-a Hmeichhe pakhat chu COVID-19 hri kaiin a boral leh a, ani hi kumin May thla chhunga hri kai boral mi 7 an awmna a ni a. COVID-19 kaihhnawiha thi zingah hian kum upa lam an awm laiin naupang kum 7 mi pawh a tel a ni. Kumin April leh May thla chhunga hri kai zat atanga chhutin nunna chan hi za zela 2 deuhthaw a tling a. Kum 2020 bullam atanga chhut erawh chuan hri kai zinga nunna chan hi za zela 0.3 a ni thung.

Kumin April thla chhunga COVID-19 hri kai hmuhchhuahte Genome Sequencing Result dawn tawh ah Omicron variant chi thum – XBB.1.16.1, XBB.1.16 leh XBB.1.9.1 hmuh a nih thu report a ni a, XBB.1.16.1 leh XBB.1.16 te hi variant tharlam lehzual niin Omicron variant dangte aiin inkaichhawn a awlsam zawk a, naupang leh kum upa lamah a thawk bik a ni.

Comments

Popular News (Last 30 Days)

LPG man bithliah thar