Serchhip DEF ten dan lova phurh nia hriat Kuhva man

/

Serchhip District Police te chuan khawchhak lam atanga dan lova lakluh nia hriat Kuhva hring bag 190 zet chu Ningani khan manin Inrinni khan Custom Preventive Force te kuta hlan tura tih a ni.
 Thudawn danin heng Kuhva hring phurtute hian East Lungdar-a Police Beat Post chu pumpelh kawng-ah hel an tum nia hriat a nih avangin Police te chuan an lo chang a, hei hi Kuhva hring phurtute hian hei hi hriain Biate panna kawng lamah an Kuhva phurh te hi thuhruk tum leh mah se Police te hian nangchingin an man a, Ningani vek khan Serchhip-ah rawn lakthlak nghal a ni.

Kuhva hring te hi 407 Truck 4- Mz-04A-5679; Mz-04A-6639; Mz-04A-1208 leh Mz-04A-1287 ah bag 40 theuh phurh niin Pik Up Truck Mz-02C-1845 ah bag 30 phurh a ni bawk a, heng Kihva te hi mi pahnih ta niiin a rawn phurtute hian sawiin, Lunglei lama phurh tur a nih thu leh Kuhva hring a nih avangin dan bawhchhia ah an in ngaih loh thu an sawi a, heng Kuhva te hi cheng nuai 7.6 man vel nia chhut a ni a. Inrinni khan Lunglei-a Custom Preventive Force kut-a hlan tura tih a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »