MBSE in kumin-a HSSLC Exam result a tichhuak

Mizoram Board of School Education (MBSE) chuan nimin khan Higher Secondary School Examination 2023 a tichhuak a, Exam beitu zirlai zawng zawng zinga za zela 78.66-te chuan hlawhtlinna an chang a ni.

Kumin hian Mizoram-a Exam Centre 95-ah Exam tura inziaklut mi 14,376 awmin Exam beitu 14,091 an awm a. An zinga 11,084 ten hlawhtlinna changin Arts Stream-ah za zela 78.34, Science Stream-ah za zela 77.69 leh Commerce-ah za zela 86.50-ten hlawhtlinna an chang a. Zirlai hlawhtling zingah hian Distinction 809, 1st Division 3451, 2nd Division 4268 leh 3rd Division 2556 an awm a ni. Kumin hian HSSLC Exam beitu zingah mipa aiin hmeichhia an tam zawk a, mipa 6,386 leh hmeichhia 7,705 ten exam hmachhawnin Exam tura inziaklut zingah mi 285 in exam an hmachhawn lo thei lo thung a ni.

Kuminaa HSSLC Exam pass 11,084 zingah hian Distinction-a pass 809 awmin nikum aiin 12 in an tlem a. First Division-a pass 3451 niin Second Division-ah 4268 leh Third Division-a pass 2556 an awm a ni. Ram pumah Candidate zawng zawng pass vek thei School pawh Art-ah 54, Science-ah School 2 leh Commerc-ah School 5 an awm bawk a. Candidate zawng zawng Failed vekna pawh Art-ah School pakhat leh Science zirna ah School pakhat a awm bawk a ni.

Art stream-ah Rodinpuia Ralte S/o Lalremruata Ralte (Home Mission School) chu pakhatna niin Full mark 500-ah mark 469 a hmu a. Science Stream-ah Jonathan Lalhruaitluanga S/o C. Lalduhawma (St. Joseph HSS, Aizawl) chu pakhatna niin mark 458 a hmu bawk a. Commerce Stream-ah Vanlaldika S/o Lalfakawma Hauhnar (St. Paul HSS, Aizawl) chuan mark 473 hmuin pakhatna a ni bawk.

Art Subject-ah zirlai pass vekna School 54 an awm laiin Fail vekna School pakhat a awm a, Science-ah pass vekna School 2 leh Failed vekna School pakhat awmin Commerce zirna-ah School 4-a zirlai an pass vek laiin pass nei lo School an awm lo thung a. Kumin hian zirlai 78.66 ten pass in nikum (82.07) aiin pass an chhe zawk a ni.

Arts Stream bikah District 11 zingah Khawzawl District atanga Candidate-te an pass percentage sang berin 86.28% a ni a, Siaha District atanga exam te pass percentage chu a hniam ber niin 54.74% a ni. Science Stream-ah Khawzawl District-a zirlai exam te pass vekin a titha ber an ni a, Lunglei District atanga exam chu pass percentage hniamber niin 58.09% a ni. Commerce-ah Serchhip District atanga exam te pass vekin a titha ber an ni a, Champhai District atanga exam te 61.36% pass in a percentage hniam ber an ni thung.

Comments

Popular News (Last 30 Days)

LPG man bithliah thar