HSLC leh HSSLC Topper te Larsap in a lawmpui

/

Kumin-a High School Leaving Certificate (HSLC) leh Higher Secondary School Leaving Certificate (HSSLC) Examination 2023 Result chhuaka pakhatna te chu Governor Dr. Hari Babu Kambhampati chuan nimin khan lawmpuina thilpek a hlan.

Raj Bhavan-a hemi puala hun hman ah Governor Dr. Hari Babu Kambhampati chuan Zirlai titha zual te chu an hlawhtlinna ah a lawmpui tih sawiin, an kal zel a turah duhsakna a hlan hmasa a. A mal te tein Zirlaite hi an thil tum te a zawt a, an nih tum te an nih theih nan theihtawp chhuah chhunzawm turin a fuih bawk.

Mizoram Board of School Education (MBSE) in tunhnaia HSLC Exam leh HSSLC Exam 2023 result a tihchhuah takah khan HSLC-ah Cynthia Lalhlupuii Shangpliang d/o Kyrshanbor Shangpliang (St. Paul's Higher Secondary School, Aizawl) chu pakhatna a ni a. HSSLC result chhuak ah Science-ah Jonathan Lalhruaitluanga s/o C. Lalduhawma (St. Joseph Higher Secondary School, Hnahthial) chu pakhatna niin Commerce-ah Vanlaldika s/o Lalfakawma Hauhnar (St. Paul's Higher Secondary School, Aizawl) chu pakhatna a ni a. Arts-ah Rodinpuia Ralte s/o Lalremruata (Home Missions School, Aizawl) chu pakhatna a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »