Latest News

Manipur atanga Mizoram-a raltlan zirlaite tan Mizoram-ah zirna chhunzawm phal a ni

Mizoram sawrkar chuan Manipur buaina avanga Mizoram-a rawn raltlan te chu Sawrkar School leh Sawrkar puih zirna In-ah te lehkha an zir chhunzawm a phalsak.

Hemi chungchangah hian School Education Director Lalsangliana chuan nimin khan Mizoram-a District Education Officer (DEO), Sub-Divisional Education Officer (SEDO) leh Higher Secondary School Principal-te lehkhathawnin, Manipur buaina avanga Mizoram-a rawn raltlante chu Mizoram Sawrkar sikul leh Sawkar in a puih School-ah te lehkhazir chhunzawm phalsak an nih thu a hriattir a. School Education Director chuan a lehkhathawnah hian Manipur buaina avanga Mizoram rawn tlanchhia zirlai naupangte'n sikul an kal chhunzawm theihna atan an awmna District leh khua-a School-ah te kal phalsak an nih thu tarlangin, District Education Officer, Sub-Divisional Education Officer leh Higher Secondary School Principal-te chu Manipur atanga rawn tlanchhia zirlai naupangte'n School an kal chhunzawm theihna atana hma la turin a hriattir bawk a ni.

Comments

Popular News (Last 30 Days)