Union Minister rawn zin

/

Union Minister of State for External Affairs & Culture Meenakshi Lekhi-i chuan zan hnih riaka Mizoram tlawh turin nimin khan Aizawl a rawn thleng a, Lengpui Airport-ah Art & Culture Minister R. Lalzirliana leh sawrkar mi pawi-mawh ten an lo hmuak a ni.

Meenakshi Lekhi-i hian nimin vek khan Raj Bhavan-ah Governor Dr Hari Babu Kambhampati hmuin Ministry of External Affairs hmalakna huanga Mizoram tana thil pawimawh KMMTTP, Zokhawthar leh Vangchhia chungchang te an sawi dun a. Union Minister of State chuan Mizoram chu Khawchhak lama India kawtchhuah a la nih thuai dawn avangin ngaih pawimawh a ni a, hmasawnna ruhrel pawimawh tur te pawh la siam belh a ngai dawn nia a hriat thu a sawi bawk.

Meenakshi Lekhi-i hian nimin vek khan Chief Minister Zoramthanga pawh kawmin hemi hnu hian Mizoram State Museum pawh a tlawh nghal a, Mizo thil hlui dahthatte chu hmuhnawm a tih bakah hlu a tih thu a sawi bawk a ni. Union Minister hian Vawiin hian Mamit District a pan leh dawn a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »