MSCPCR in naupang chungchang thehdarh pawi ti

Mizoram State Commission for Protection of Child Rights (MSCPCR) chuan naupang harsatna tawkte nihna chhuichhuah theihna tura mipui vantlang hmaa thehdarh a ni chu pawi an tih thu an sawi.

Nimin a thuchhuah an siamah MSCPCR chuan tunhnaia Court in pawngsualtu hremna a pek chungchangah Social Media-ah a tuartu naupang nihna chhuichhuah theihna tura thu thehdarh a nih thu leh Matric Exam result nghawng avanga naupang kumtlinglo in a nunna a lak thu ah naupang hming leh khua Media-ah tarlan a ni tih tarlangin, hetianga naupang harsatna tawkte nihna chhuichhuah theihna tura mipui vantlang hmaa thehdarh a ni ta mai chu pawi an ti hle tih an tarlang a. Harsatna tawk naupangte emaw, Dan nena inrem lo-a che naupangte nihna mipui tana chhuichhuah theih tura an Hming , Veng, Khua, Thlalak, Zirna In leh naupang nihna chhuichhuah theihna tura tarlangtute chu Section 23 of The Prevention of Children From Sexual Offences Act, 2012 leh Section 74 of the Juvenile Justice Act, 2015 hmanga hrem theih an ni tih tarlangin, hetianga ti an awm leh a nih chuan MSCPCR chuan Dan angin hma a la dawn tih an tarlang a. Naupangte dikna chanvo humhim kawngah Media mi leh sa te bakah mipuite thawhho pui turin an sawm bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar