Power Secretary hovin P&E hmalakna thlirlet

Mizoram Power and Electricity Department buatsaih Work Review Meeting chu Inrinni khan neih niin sawrkar laipui-a Secretary, Ministry of Power Alok Kumar IAS chuan a rawn hmanpui a ni.

Secretariat Conference Hall-a he Review Meeting-ah hian Alok Kumar chuan India sawrkar chuan mitin tan an nitin khawsak rel kawnga electric eng a pawimawh zia a hriaa electric eng chhit man tlawm, mitin thleng zo leh boruak ti bawlhhlawh lo mipuite hnena thlen chu a tum ber pakhat a nih thu a sawi a. India Energy Transition chungchang pawh sawiin, sawrkar chuan thil pahnih ngaih pawimawh zual a nei a, chungte chu thingtlang kilkhawr thleng phak Power quality tha pek leh electric eng chhit in a behbawm zawng zawng chu mipuite tana phurrit lutuk nilova, a pe chhuaktu in chawm zo tho si a pekchhuah a nih thu a sawi a ni. Mizoram-ah eng lakna chi hrang hrang a awm nual thu leh chung zingah chuan Pump Storage System hmanga kawlphetha siamchhuah chu nakina India energy transition chungchang ah pawh rampum entawntlak a la nih theih thu a sawi a, RDSS chungchang pawh sawiin, Smart Prepaid Metering chu a pawimawh thu leh hun lokal zeltur ah Mizoram chu 90% billing efficiency thleng tura hma la turin a fuih a ni.

Mizoram sawrkar-a Secretary, Power and Electricity Department H. Lalengmawia chuan RDSS Scheme chu sawrkar in a bawhzui mek thu a sawi a. Smart Metering-ah bidding process in hun a duh rei deuh a, amaherawhchu tun dinhmun ah chuan June ni 15 hun tiam ralhma a ruahmanna te peihfela hna tan ngei a nih a beisei thu a sawi bawk a ni.

He Review Meeting-ah hian Mizoram Power and Electricity Department chuan Mizoram-a Power dinhmun a lem en entirin an sawifiah a. Tunhnaia Department dinhmun leh RDSS chungchanga hmalakna kalpui mek leh an project ruahman lawk dang te tarlan a ni bawk. Powergrid atangin KK. Gupta, Chief General Manager (Nerpsip incharge) lo kalin an hnathawh tlangpui a tarlang bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man