YMA SCC thutkhawm nei

Kum 2023-2025 chhunga Serchhip Sub-Hqrs. YMA hruaitu thlanna neih a nih hnuah Sub-Hqrs. YMA Coordination Committee (SCC) thutkhawm hmasa ber chu nimin khan neih a ni.
Serchhip Sub-Hqrs. YMA Conference Hall a SCC thutkhawm hi an President Kawlthuama chuan kaihruaiin Sub-Hqrs. YMA Inkhawmpui neih zawh taka an thurel hrang hrang bawhzui dan tur relin SEC bawhzui tura dah a ni hlawm a, Mizoram Building & Others Construction Workers Welfare Board hnuaia inziahluh dan chungchangah Branch YMA te fimkhur taka an kal theih nan kaihhruaina siam nise an ti bawk.


Heng bakah hian Mizoram sawrkar in ruihhlo dona atana Central YMA hnena cheng nuai 68 a pek atanga Serchhip Sub-Hqrs. in cheng nuai 4 a hmuh chu an hnuaia Group YMA pathum te hnenah Rs. 50,000/- theuh pein a bak Rs. 2,50,000 chu Sub-Hqrs. ruihhlo dona atan hman nise an ti a. Serchhip District Chess Association ten kumin June thla a Team Chess Tournament buatsaih an tum chu rem an tihpui bawk a ni. Hei bakah hian Myanmar leh Ma-nipur atanga raltlan lo dawnsawn dan tur inkaih-hruaina Central YMA atanga an dawn chu Disaster Management Committee ten lo bawhzui se an ti bawk.

Comments

Popular News (Last 30 Days)

LPG man bithliah thar