Malaria kai mi 3 awm tawh

Kumin January thla atanga April thla tawp thleng khan Serchhip District-ah Malaria hrik pai mi 3 hmuhchhuah an ni tawh.
Serchhip CMO Office-a District Vector Borne Disease Control Programme (DVBDCP) thawktute hnen atanga thu kan dawn danin kumin a Quarter hmasa ber, January atanga April thla chhung khan Ser-chhip District-ah mi 7280 te thisen enfiah niin heng atang hian Malaria hrik pai mi 3 hmuh an ni a, Thenzawl-ah mi pahnih leh Serchhip-ah mi pakhat niin heng Malaria pai hmuhchhuah te hi Malaria PF ve ve an ni a, Malaria vanga nunna chan an awm lo a ni. 


Tunhnaia Mizoram hmun thenkhata leng nia hriat Dengue erawh kumin chhung hian Serchhip District-ah kai an awm lo nia chhinchhiah a ni thung a, kumin January atanga April thla tawp thleng khan Serchhip District-a Dengue kai nia rinhlelh mi 24 te enfiah atangin hri kai hi an awm lo a ni. Tun thla ni 16-a ‘National Dengue Day’ denchhenin Serchhip CMO Office-a thawktute chuan Serchhip District-a zirna In hrang hrangah Dengue natna chungchang leh a inven dan te an zirtir bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar