Union Power Secretary leh Larsap an inkawm

Sawrkar laipui-a Secretary, Ministry of Power Alok Kumar IAS chuan Inrinni khan Governor Dr. Hari Babu Kambhampati hmuin Mizorama luiluang hmanga Kawlphetha siam chungchang leh a kaihhnawih thil pawimawh a sawipui.

Governor Dr. Hari Babu Kambhampati chuan Central Power Secretary Alok Kumar chu Mizoram-ah lo lawmin Raj Bhavan-a an inkawmna ah Mizoram-ah Kawlphetha tam tham tak siam theihna tur lui luang nei mah ila, sum lamah harsatna kan tawh avangin kawng dang dapin Union Power Minister te pawh a lo hmuh thin thu leh Power siamchhuah kawngah hna thawh theihna a nih dawn chuan Central PSU te pawh sawm luh mai a finthlak thu leh thil tul dang te pawh State Power Minister leh Official te a sawi pui fo tawh tih a sawi a. Mizoram in Power siam chhuah belh dan kawng zawnpui turin a sawm bawk.

Central Power Secretary Alok Kumar chuan Mizoram-ah Kawlphetha siamchhuah belhna turin Hydroelectricity Power Plant lian deuh din tura kawng zawn a ni dawn tih sawiin, Hydel Plant te deuh din chu thil tih chi niin a hriat loh thu sawiin, MW 200 chin tal lo ah chuan eng chhit man, unit khatah cheng tam tak chawi a ngai a, a fuh lo a. Hydro Power plant kan din dawn a nih chuan MW 200 chunglam kan en a ngai a. Hetiang MW pechhuak chinah chuan Unit khat hralhna man pawh a chawitu tan a ziaawm deuh tih a sawi bawk a ni.