ZoRO chu Political Party a ni lo tih sawi

Zo Reunification Organisation (ZoRO) General Secretary L. Ramdinliana Renthlei chuan ZoRO chu Political party a ni lo tih sawiin, Zofa zawng zawng chu ZoRO-ah hian an leng vek tih a sawi.

Nimin-a Mizo Hnam Run-a chhung Inkhawmna neih ah ZoRO General Secretary hian ZoRO hmalak tawhna leh ZoRO kalphung te sawiin he thu hi a tarlang a. “Politics hi chi hrang hrangin a thliar theih anga, ZoRO chu hnam politics kengtute kan ni. Khawvel a awm Zofate rorelna pakhat nei a kan awm theih nana hmalatu a ni a, Zofate kan insuihkhawm a, lungrual taka kan awm theihnan theihtawp chhuah a hma a la thin a ni,” a ti. Zofate hian tawng hrang hrang hmangin, Chi peng hrang hrang awm mah ila unau vek kan ni tih ZoRO General Secretary chuan sawiin, “Kan tawng te, kan awmna hmun te inang lo mah se unau kan nih a dang chuang lo,” a ti a. Zofate inkhawmpui lian buatsaih an tum thu pawh sawiin, “Zofate hi kan duhthu vang ni hauh lovin thendarhin kan awm a. India, Burma leh Bangladesh-ah te kan awm a ni. Chin-Lushai Conference chu 1892 khan Kolkata Forth William-ah neih a ni a, kha rorel ah khan ‘Chin-Lushai Conference a member te chuan Chin Lushai member pumpui chu a theih anga rangin rorelna pakhat hnuaiah dah ni rawh se’ tiin an lo rel tawh a. Chin Lushai Conference in a lo rel tawh tun thlenga tih puitlin tak lo chu ti puitling tura ngaihtuah ho turin Zofate inkhawmpui lian hi buatsaih tum kan ni,” a ti bawk.

Comments

Popular News (Last 30 Days)

LPG man bithliah thar