Mizoram-a NSS hmalakna leh hmachhawp thlirho

State Level National Service Scheme (NSS) Advisory Meeting vawi 19-na nimin-a neih ah nikum chhunga NSS hmalakna thlirletin kumin a hmalakna tur thlirho a ni.

NSS Advisory Meeting hi Sports Minister Robert Romawia Royte hovin a Pisa-ah neih a ni a, he huna tarlan a nih danin kum 2022-2023 chhung khan NSS Unit hrang hrang ten thisen Unit 5998 pein thing chi hrang hrang 2657 an phun bakah kum hmasa lama an lo phun tawh 5000 chuang an enkawl bawk a, Mizoram hmun hrang hrangah Public Water Point 35 siamin Public Urinal/Toilet 18, Waiting Shed 10 leh Benches 12 an siam bawk a ni. Hemi hun chhung hian Vantlang hmun pawimawh - Damdawi In, School, College, khawlai, Bazar, Sawrkar hmun pawimawh, Thlanmual leh a dang vawi 591 lai tihfai hnatlang neiin School, College leh hmun hrang hrangah Faina chungchang, HIV/AIDS, Zu leh ruihhlo, tuihna humhalh, ramngaw humhalh, Thisen pek, Disaster Management leh a dang hmanga inzirtirna (awareness campaign) vawi 888 zet an hmang a ni. 

National Service Scheme (NSS) hi September ni 24, 1969 khan din a ni a, a tirah University leh State thlan bikah te chauh hawn niin kum 1972 khan Mizoram-ah din ve a ni a, tun dinhmunah School leh College hrang hrang ah NSS Unit 99 awmin NSS Volunteer 30,100 an awm mek a. Nimin-a thutkhawm ah hian kumin a hmalakna tur hrang hrang ruahman niin zirna In pahnih ah NSS Unit pek remtih a ni bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man