Tribe List siamthat ngen

/

PC Party chuan Mizoram Tribe list siamtha tura ngenna nimin khan Mizoram sawrkar Home Minister hnenah an thlen.

PC Party chuan Constitution (Scheduled Tribes) Order, 1950 hnuaia Mizoram Tribe list-ah Mizo hnam peng hrang hrang- Kuki, Hmar, Pawi, Paite, Lakher, Mizo (Lushai) te chuangin Tribe hrang hlak anga ngaih theih a ni tih sawiin, hei hian Zofa hnam hrang hrang inunauna leh insuihkhawmna kawngah harsatna a thlen thei nia kan hriat avangin Sl. No. 10 'Any Mizo (Lushai) tribes' tih chu India Dan hnuaiah Mizo leh Zofa hnam dangte Tribe hrang hlak anga kal thei a nih avangin 'Any Lusei Tribes' tiin emaw siamthat an duh tih an sawi a, Zofa hnam lian list-a chuang lo Ralte leh a dangte pawh dahluh nise an duh tih an sawi bawk.

PC Party chuan Constitution (Scheduled Tribes Order, 1950) hnuaiah Kuki hnam tih loh Zofa hnam dang chi peng (sub-clan) tarlan loh chu chi peng hlawm lian chin tarlan tha an tih thu pawh sawiin, Mizoram chhunga India khua leh tui dik tak awmte pawh an chi peng tarlan nise an ti a. India khua leh tui dik tak Mizoram a awm nghet Zofa ni lo hnamdangten an dikna chanvo an chan theih nan an dinhmun zirchian nise an ti bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »