Bawrhsap hovin Ruihhlo do dan tur sawihona neih a ni

Nimin khan Serchhip-ah District Bawrhsap hovin District Level Task Force on Ruihhlo Do chu thukhawmin ruihhlo dona kawnga hmalak dan tur hrang hrang an sawiho.
He thutkhawm Serchhip DC Meeting Hall-a neih ah hian Chairman leh District Bawrhsap Nazuk Kumar IAS chuan Serchhip District chhunga Ruihhlo dona kawnga hmalakna turin State Level Core Committee atanga pawisafai cheng nuai 5 dawn a nih thu leh tangkai taka District chhunga ruihhlo dona kawnga hman a nih tur thu a sawi a ni.

District Level Task Force on Ruihhlo Do thukhawm hian G20 behchhana sawrkar laipuiin Ruihhlo dona kawnga hmalakna tur a duan zul zuiin Serchhip District chhunga Ruihhlo dona kawnga hmalakna atan Awareness Prog-ramme chu School, College leh Kohhran hrang hrang ah te neih nise tiin hemi kawnga hma lo la tur leh ruahmanna siam turin DEO leh CMO te ruat an ni a, Training petu tur hian District tinah Master Trainer mi pali thlanchhuah tura a tih angin Serchhip District-ah pawh Master Trainer tur mi pali thlanchhuah nise an ti a, Serchhip Sub-Hqrs. YMA in an lo buaipui dawn thung a ni. Master Trainer te hian Aizawl-ah Mizoram Social Defence and Rehabilitation Board, Social Welfare & Tribal Affairs Department hnuaiah Training an nei hmasa dawn a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man