New Serchhip South VC in lawmpuina an hlan

New Serchhip South Village Council chuan an huamchhunga High School leh Higher Secondary School pahnih chu kumin a HSLC leh HSLC Exam-ah an tihthat avangin nimin khan lawmpuina an hlan.
Lawmpuina hlanna puala inkhawm tawi New Serchhip South VC Futsal Ground-a neih New Serchhip South VCP Rengliana chuan an huamchhunga zirna In awm ten kumin HSLC leh HSSLC-ah result tha tak an nei chu khawtlang neitu an nih angin anmahni pawh an lawm hle tih sawiin, Zirtirtu inpekna chu lawmawm an tih thu leh lawm ngei phu an tih thu a sawi a. Zirna chu hmasawnna pawimawh tak a nih chu sawiin, hei vang hian VC te pawhin an ngaih pawimawh thu leh an theihna zawnah hma an lak ve zel thu a sawi a. Result tha tak nei tura Zirtirtute inpekna leh thawhrimna chu chhuan-awm an tih thu a sawi bawk.


New Serchhip South VC Vice President Lalthuamliana kaihhruaia he hun hmanna ah hian VC Member H. Lalliana chuan hunserh a hmang a, New Serchhip South VC te hian Govt. PCR H/S leh Brilliant Higher Secondary School te hnenah lawmpuina thuziak leh Rs. 5000/- ve ve hlan an ni. Kumin a HSLC Exam-ah khan Govt. PCR H/S atang hian zirlai 29 exam in 23 an pass a, Distinction-ah pakhat pass in 1st Division-ah 2, 2nd Division-ah 11 leh 3rd Division-ah 9 an pass a ni.

Brilliant Higher Secondary School atang hian Arts-ah zirlai 54 exam in 53 an pass a, Distinction-ah 4, 1st Division-ah 26, 2nd Division-ah 20 leh 3rd Division-ah 3 an pass a. Commerce-ah zirlai 11 exam in an pass vek a, 1st Division-ah 2, 2nd Division-ah 7 leh 3rd Division-ah 2 in an pass bawk a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar