Shalom Special School tan tanpuina sumfai hlan

Congress Party atanga Serchhip Bial vil mektu R. Vanlaltluanga chuan nimin khan Ser-chhip-a Shalom Special School tanpuina atan Rs. 20,000/- a hlan.

Shalom Special School ten tunhnaia harsatna hrang hrang an neih te hriain nimin tlai khan R. Vanlaltluanga hian Serchhip a Shalom Special School enkawltu, Spastic Society-a Chairman Vanlalchhunga chu an Inah len chilhin Shalom Special School tanpuina atan pawisafai Rs. 20,000/- hi a hlan a ni.

Shalom Special School ah hian kawng hrang hranga rualbanlo naupang engemawzat enkawl an ni a, Sawrkar atangin sum hmuhna nghet an neih loh avangin mi thahnem ngai leh tlawmngai pawl bakah Kohhran ten tanpuina an pek hmangin hmalakna kalpui a ni a. Zirlaite hruai leh thlahna atana lirthei an hman thin pawh a khalhtu tur rawihna sum an nei mumal tawh lo nia thudawn a ni a. Chutiang kara tanpuina petu an awm chu an lawm hle tih Spastic Society hruaitute chuan an sawi a ni.