Study Tour-ah Mizoram Lok Sabha MP kal

Zonuna Kawlni /

Mizoram Lok Sabha MP C. Lalrosanga chu Parliamentary Standing Committee on Health and Family Welfare member dangte nen Study Tour neiin khawpui hrang hrang an tlawh kual mek.

    Parliamentary Standing Committee on H&FW te hian Thawhlehni khan Tezpur-a Lokpriya Bordoloi Regional Institute of Mental Health tlawhin rilru lama harsatna neite enkawl dan leh hemi kawnga he Institute hotute bakah State sawrkar leh Central sawrkar hmalakna te an zirchiang a, tunhmaa ‘Tezpur Asylum’ ti a mi â dahkhawmna anga hriat thin he Regional Institute hi hmarchhak bial State dangte pawhin an chhawr tangkai zawk theihna tura tihphuisui zel a tul thu a sawi bawk. MP rualte hian niminpiah khan Guwahati a AIIMS tlawhin Committee thutkhawm an nei nghal a, Hmarchhak bial-a damlote mamawh phuhru thei tur khawpa AIIMS hi tihphuisui a tul an ti tlang a, nimin khan Assam sawrkar hotute kawmin Prime Minister's TB Mukt Bharat Abhiyan leh Mental Health Management and Care chungchangte an sawipui bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »