MSSSB hnalak-a hnamdang tling fo hriatthiam har ti

Mizo Zirlai Pawl (MZP) chuan MSSSB in MZP ngenna ngai pawimawh lova tunhnaia hna lakah hnamdang an tling fo chu hriatthiam har an tih thu an sawi.

    MZP General Hqrs. hian nimin khan Aizawl-a MZP Conference Hall-ah Executive Committee Meeting vawi 617-na neiin, Mizoram Subordinate Services Selection Board (MSSSB) chungchang hi an sawiho a, MSSSB in MZP ngenna ngaipawimawh lova tunhnaia hna lakah hnamdang an tling fo chu hriatthiam har an tih thu sawiin, January 2023 chhung ngeia MSSSB Chairman thlak tura sawrkar ngen nise an ti a, Mizo zirlai leh hna zawng mekte tana him tur MSSSB dan (Recruitment Rules) siam a nih theih nana hmalak a, MZP ngenna a hlawhtlin loh chuan MSSSB titawp tura hmalak nise an ti bawk.

Hei bakah hian MZP Meeting chuan Sawrkar thar lo awm turah Hnamdang Minister an awm loh nana hmalaka Political Party tin te ngen nise tiin an ngenna in awmzia a neih loh chuan na taka nawr nise an ti a. Mizoram sawrkar hna lak LDC chin hnuailamah Computer thiamna, Course on Computer Concepts (CCC) pawm a nih theih nana hmalak an rel bakah February 9, 2023 khian Borapansury, Lawngtlai District-ah MZP Special Assembly koh an rel bawk a ni.

Comments

Popular posts from this blog