Latest News

Serchhip-ah Mizo infiamna hmanga inelna neih tan a ni

Image
Serchhip Sub-Hqrs. YMA huamchhunga YMA Branch hrang hrangte Mizo Infiamna chi hrang hrang hmanga an inelna tur, ‘Aizawl DD Mizoram Indigenous Games 2024 (Inter-Branch YMA Competition, Serchhip District)’ chu nimin khan Serchhip P&E Veng-a Leisekawt Mual-ah neih tan niin Vawiin hian zawhfel a ni ang.

Hrianghmun khuaah chenna In 4 kangral vek

Niminpiah Nilaini khan Hrianghmun khua ah kangmei chhuakin In 4 a kangral vek a, In pakhat erawh a then kangin mi tlawmngai ten an thelh thei thung.

    Thudawn danin kangmei hi Nilaini chawhnu dar 1:40 vela chhuak niin Khamdopaua In atanga In atanga intan a ni a, a thenawm in pahnih Pausianliana leh Chin-eni te In kang kaiin an kang ral vek a. Kawngchhak lama Liandala In kangkai lehin a kangral leh a, Inhnuai a Tractor chu kangchhe bawkin, a thenawma Kaituanga In chu a bang sir khat leh inchhung bungrua thenkhat kang hmanin mi tlawmngai ten an thelhmit thei ta a ni. Kangmei chhuakah hian Vawk 4 kanghlumin a dang pathum a kang hliam bawk a, buh Tin 700 vel a kangchhe tel a, bungraw kangchhia hi cheng nuai 38 chuang hu nia chhut a ni.

Bialtu MLA Dr. L. Thangmawia chuan vanduaina thlenna hmun hi pan nghalin sawrkar anga tih theih awm apiangah theihtawp chhuah a nih tur thu a hrilh a. Kangmei tuartu chhungkaw 4 te Rs. 5000/- theuh leh In kangral lo chhungkua Rs. 2000/- bakah Silpouline a pe bawk.

Comments

Popular News (Last 30 Days)