Harsatna tawk thei dinhmun ah ding niin sawi

Mizoram Pradesh Youth Congress Committee (MPYCC) President Dr. Lalmalsawma Nghaka chuan Mizoram Sawrkarin sum a enkawl thiamloh em avanga Mizoram mipui miharsa zawk leh chhawmdawl ngaite harsatna tawk thei din-hmuna an ding mek niin a sawi.

    Tunhnaia mipuite hnena Ration buhfai pek tihdanglam chung-chang ah nimin khan MPYCC hruaitute chuan FCS&CA Department Directorate tlawhin MPYCC President chuan Central Sawrkarin National Food Security Act 2013 a hman tan atangin Priority HouseHold (PHH) (Card Pawl) te tan kg. 5 Rs. 3 in Central Sawrkarin a rawn tum sak thin thu leh Mizoram Sawrkarin khamkhawp lo ven nan kg 3 chu PHH Beneficiaries te tan AAY rate-in a pe tel thin bawk tih a sawi a. 

MPYCC President chuan, “December ni 24, 2022 khan Union Cabinet chuan thu chhuahin NFSA hnuaiah Pradhan Mantri Garib Kalyan Ann Yojana hmangin December 2023 thleng PHH Beneficiaries (Card pawl) te tan mi pakhatah Kg. 5 leh AAY (Card eng) te tan card khatah kg. 35 a thlawnin buhfai a sem tawh dawn a ni,” tiin hei hi a lawmawm em em rualin, Mizoram Sawrkarin AAY rate a kg. 3 a pek thin a tawp dawn nia a hriat avangin Mizoram-a chhawmdawl mamawh ber miharsa zawk leh dinhmun thalo zawk mangang taka a siam chu pawi an tih thu a sawi a. “Mizoram sawrkarin chhawmdawl leh ngaihven hlawh ngai ber (Most Vulnerable) te tan kg. 3 AAY Subsized rate-a an lak chhunzawm theih nana ruahmanna a siam lo tak tak anih chuan Congress Thalai chuan a en liam mai mai dawn lo a, a tul angin miharsa zawk te leh chhawmdawl ngaite tan MPYCC a ding zel dawn a ni tih MNF Sawrkar kan hriattir a ni,” a ti bawk.

Comments

Popular posts from this blog