Latest News

Faina-ah hmalakna kalpui

/
Image
Faina beihpui thlakna atana sawrkar laipuiin programme a duan, Swachhta Hi Seva hnuaiah Faina kawnga hmalakna kalpui mek a ni a, tunkar chhung zawng hian kawng hrang hranga hmalak dan tur duansa hmangin hmalak a ni ang. Nimin khan Serchhip District chhunga khaw hrang hrangah Swachhta Hi Seva hnuaiah hian hmalakna kalpui niin Serchhip-ah chuan khawpui chhunga hmalatu UD&PA Department bultumin khawchhunga vantlang inthiarna hmun tihfai hna thawh a ni a. Thingtlang bika hmalatu PHE Department Serchhip WATSAN Division te hmalaknain Khawlailung, Mualcheng leh East Lungdar-ah te pawh vantlang hmun tihfai hnatlangpui hi neiin hun an hmang bawk a ni.
Post a Comment

Serchhip in Khawpui Fai lawmman 3-na a dawng

/

Mizoram Khawpui Fai Inelna, 2022-a tithate chua nimin khan puanchhuah niin Serchhip District chuan District Headquarters zingah Fai lawmman pathumna a dawng a ni.
    Nimin-a India Republic Day lawmna Aizawl-a neih ah Mizoram Khawfai intihsiakna 2022-a tithate hi puanchhuah niin lawmman sem nghal a ni a, District Headquarters zingah Khawzawl chu pakhatna niin Lunglei chu pahnihna an ni a, Serchhip chuan lawmman pathumna a dawng a, Serchhip atangin Lawmzuali, Manager NULM UD&PA leh B. Vanlalngura, Chairman Serchhip Town Joint VC te chu lawmman dawng tur hian an kal a ni.

Urban Towns zinga Fai inelna ah Ngopa Urban Town chuan lawmman pakhatna dawngin Biate Urban Town chu pahnihna an ni a, Zawlnuam Urban Town chu pathumna an ni bawk a. Aizawl Municipal Corporation (AMC) huamchhunga Ward hrang hrang inelna ah AMC Ward No. 16 chu pakhatna niin Ward No. 19 chu pahnihna leh Ward No. 3 chu pathumna an ni bawk.

Heng bakah hian Best Local Council (AMC)-ah Laipuitlang Local Council chu thlan niin Best Village Council (District Hqrs.)-ah Khawzawl Dinthar Village Council leh Best Village Council (Urban Towns)-ah Tlabung Village Council te thlan an ni a. Fastest Mover District Headquarters-ah Lawngtlai Urban Town leh Fastest Mover Urban Town-ah Phullen Urban Town te thlan an ni bawk.

Comments

Post a Comment

Popular News (Last 30 Days)