National Girl Child Day hawnna neih a ni
District Hub for Empowerment of Women, District Programme Office Serchhip huaihawta he hun hmanna ah hian District Mission Coordinator leh DPO mawhphurhna la mektu F. Hmingthankimi chuan kum 2008 atang khan kumtin January ni 24 chu National Girl Child Day atan hman thin anih thu sawiin, kuminah pawh he ni hi hman leh tur niin nimin atanga Hapta khat chhung hian Programme chi hrang hrang hman a nih dawn thu a sawi bawk.
Nimin-a he hun hmanna ah hian Gender Specialist VL. Remruatpuii chuan Beti Bachao Beti Padhao Scheme (BBBP) sawifiahin he hmalakna hi kum 2015 khan India ramah kalpui tan niin kum 2018 atang khan Serchhip District-ah pawh kalpui a nih thu a sawi a. BBBP thiltum ber chu hmeichhe naupangte venhim leh mipuitling ni tura lehkha zirtir bakah hmeichhia nih avanga rahbehna awm thin tihbo te a nih thu a sawi a. He hmalakna hnuaiah hian National Girl Child Day pawh hman a nih thu leh Serchhip District-ah kawng hrang hranga hna an thawh tawh thute a sawi bawk. Sarah Lalbiakliani, Gender Specialist pawhin kumina National Girl Child Day hman chhunga hun an hman dan tur leh hmachhawp te sawiin, Kohhran leh khawtlang hruaitute nen inkawmna te neiin tun thla ni 24-a Hmeichhe naupiang te chu lawmpuina pawisafai leh thuziak an hlan dawn thu te a sawi bawk.
Nimin-a he hun hmanna ah hian he ni puala thutiam buatsaih chu chhamrual niin Signature Campaign pawh neih nghal a ni bawk.
Comments
Post a Comment