Khau puang vangin Leilet a buh thar tlahniam hret

Leilet-a buh chinte ei chhe thintu Khau chi khat, Brown Planthopper puang vangin nikum chhung khan Tlabung Sub-Division huamchhunga chhungkaw 280 bawr velin kum danga an Buh tharchhuah an pha lo.

    Nikum September thla tawp lam vel khan Lunglei District-a Tlabung khaw thenawm Khojoysuri khuaah Brown Planthopper a puang tih hriat tan a ni a, hemi hnu hian khaw dang atangin hetiang Khau puang vanga leilet siamtuten harsatna a siam thu Department lamin an dawng chho zel a, hriat theih chinah kum liamta, kum 2022 chhung khan Tlabung thenawm khaw 6-a chhungkaw 280 vel leilet chu Brown Planthopper-in a bei hman niin Agriculture Department chuan an sawi.

Leilet siamtute harsatna tawh hriaa Agriculture Department-in hma an lak nghal vat hnuah Khau puang zel tur leh Buh an ei chhe zel tur dan theih a nih avangin leilet tam taka Buh engemaw zat chu chhan theih a ni a, hetihlai hian Department hnena hemi chungchang hriattir a nih hmaa Brown Planthopper-in a lo ei chhiat hman tawh erawh a awm nual avangin chhung-kaw thenkhat leilet Buh tharchhuah chu za zela 60 (60%) vela a kiam phah thu leh bag 300 vel thar thin, kumina bag 100 pawh thar pha lo an awm thu khaw thenkhata leilet siamtute chuan an sawi.

Comments

Popular posts from this blog