MNF East Block Serchhip te chuan nimin khan Serchhip-a Mizo Hnam Run-ah Chhung Inkhawm neiin he hunah hian an Party hruaitu ten thu an sawi a ni.
MNF Serchhip East Block President H. Lalthianghlima kaihhruai Chhung Inkhawm ah hian an Vice President C. Vanlalsiamthara chuan MNF Party chu Mizo Hnam kan nih ang taka he Zoram-a kan dinchhuah theih nan leh Kristianna humhim turin Pathian leh kan ram tan tih thuthlung vuan chunga din a ni tih a sawi a. “Kan hruaitu hmasate khan hmangaihna leh induhsakna nen, ‘kei kei’ tiloin ‘nang nang’ tiin chan tha induhsakna nen an lo kal tawh thin a. Kha thinlung kha Vawiin ah pawh hian kan thinlungah lo awm thar leh se ka duh a. A thawktu leh neitu chuan hamthatna kan dawn hun ala awm anga, kan malsawmna dawn hi midang Mit ti mimtu nilo se,” tiin midangte tana malsawmna ni tura nun leh hun hmang turin Party mipuite a chah bawk.
He hunah hian Block Adviser K. Tlang-thanmawia pawhin Party Chhung Inkhawm an buatsaih thin chu lawmawm a tih thu leh hei hian rah duhawm chhuah ngei se a duh thu a sawi a. An hotute ruahmanna in inhlawhna te pawh an hmu dawn tih sawiin, tha tak leh rintlak, Party pawnlam mi pawhin a tha an tih leh belhchian tlak taka hna thawk turin a chah a. Party hruaitute chu hamthatna sum leh pai ringawt beisei lo a, “Party tan enge ka tih ve theih?’ ti a khawtlang leh mipui tana rawngbawl hna an thawha MNF party tih awmrenga mawi nungchang, khawtlang leh an Veng-ah lantirin rilru thar nena hma la theuh turin a chah bawk.
Nimin-a MNF Chhung Inkhawm ah hian Mizo hnam sipai a tang thin Lalsangliani pawhin thu a sawi bawk a ni.
Comments
Post a Comment