Mamit-ah Patient Attendants' Shelter hawng

/

Nimin khan Mamit District Hospital Complex-ah Damlo awmpuitute Khualbuk, Patient Attendants' Shelter chu bialtu MLA Er. H. Lalzirliana chuan a hawng.

    DAY-NULM hnuaia Shelter for Urban Homeless Component hnuaia sak Patient Attendants' Shelter sakna atana Project Cost chu cheng nuai 33.80 niin February 2020 khan sak tan a ni a, Building chhungah hian khum 10 awmin mipa leh hmeichhe Room a hrangin a awm bakah eirawngbawlna tur Choka a awm nghal bawk. A chhung cheibawlna atan UD&PA sum cheng nuai 2 hman niin a enkawlna Operation & Maintenance (O&M) atan hian kum nga (5) chhung thlatin khum pakhat zelah Rs. 1000/- ruahman a ni a, a enkawl zuina tur sum hi DAY-NULM in tumin Khualbuk hi DMS Mamit leh a Staff te'n an enkawl zui tura ruahman a ni bawk. He hunah hian bialtu MLA chuan Patient Attendants' Shelter chu District chhung mipuite'n tangkai taka an hman ngei a beisei thu a sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »