Mizoram-ah Salvation Army hotu lu ber lo zin

/

Khawvel-a Salvation Army hotulu ber, General Brian Peddle-a leh a nupui World Women’s Ministry President, Commissioner Rosalie Peddle-i te chuan khan Mizoram an rawn thleng a; naktuk February ni 1 atanga ni 5 chhunga India Eastern Territorial Congress neih tur an hmanpui ang.

    India Eastern Territory Headquarters, Mizoram hruaitute sawi danin, General Brian Peddle-a te nupa in an hmanpui tur India Eastern Territorial Congress-ah hian Salvation Army hnuaia naupang, thalai, paho leh nuho pawl hrang hrangte puala hun hman a nih dawn bakah vantlang inkhawm te pawh a awm dawn bawk a. Heng programme hrang hrangah te hian General Brian Peddle-a hi tel tura beisei a ni a. Hei bakah hian Biak In thar pathum - Phunchawng Corp, Hunthar Corp leh Vaivakawn Corp te a hawng dawn a ni.

Mizoram sawrkar chuan Salvation Army hotulu General Brian Peddle-a hi sawrkar khual pawimawh angin a lo mikhual dawn a, a veivahna tur lirthei leh vengtute a pek dawn bakah a veivak hmahruaitu ‘Pilot’ pawh ruahman a ni bawk a. Chief Minister Zoramthanga chuan Nilaini zan khian a Bangla-ah zanriah buatsaih sakin inkawmna an nei dawn bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »