Phone tibo ten CEIR hmang tangkai turin chah

Mizoram Police chuan Central Equipment Identity Registry (CEIR) chu hmang tangkai turin mipuite an chah.

    Tunlaia Mobile Phone ruk leh hralhchhawn hluar zel tur venna atan te, mipuite himna tur leh Dan kengkawhtute tana awlsam zawkna turin Department of Telecommunication, Govt. of India chuan IMEI Data hmanga Phone chhuina, Central Equipment Identity Registry (CEIR) dinin Mizoram-ah pawh hman theih turin ruahman a lo ni ta tih Mizoram Police chuan an sawi a. CEIR hi Network Operator hrang hrang te Data khaikhawmtu niin, Network pakhatin a blacklist tawh chuan Networkdang SIM Card pawh vuah se IMEI hmangin hman theih loha siam (block) leh chhui (track) theihna a ni.

Mizoram Police hotute chuan misualin kan Mobile Phone an lo ru emaw, kan tibo palh a nih chuan block turin online in ceir.gov.in-ah ngenna tthlen tih a nih thu leh Police Statio-ah pawh CEIR hmanga block tura ngen tih a ni bawk tih an sawi a. Hemi hnu hian heng Pone bo hi hman tum an awm chuan CEIR hmang hian Police ten a phone awmna nen an chhui chhuak thei (location tracking) dawn tih sawiin, hei hi hmang tangkai tur leh a tul dan ang zela pun theih turin Police te pawh an awm reng thu an sawi a ni.