NDC Team ten Mizoram/Serchhip tlawh dawn

Ministry of Defence hnuaia National Defence College, New Delhi-a training lai sipai hotulu te leh faculty te chuan tun thla ni 29 atang khian Mizoram an rawn tlawh dawn a, heng mite lo dawnsawn dan tur hi nimin khan Home Secretary Lalengmawia hovin Secretariat Conference Hall-ah sawihona neih a ni.

    National Defence College hian India ram dung leh vanga mi chengte nunphung zirchiang leh hmelhriat turin Understanding India Study Tour an nei mek a. He an Study Tour neih mekah hian State an tlawh tur zingah Mizoram chu thlan niin January ni 29-ah Mizoram an lo thleng anga, February ni 4-ah Mizoram an chhuahsan leh anga. NDC-a Faculty ni mek Major General Hari B.Pillai chuan NDC Team te hi a rawn hruai dawn a, an vaiin mi 18 an ni dawn a ni.

An cham chhung hian Mizoram chhunga District pathum - Aizawl, Serchhip leh Kolasib te an tlawh anga, mipui mimir hmasawnna leh chawikanna lam hawi sawrkar hmalakna hrang hrang - Rural Development, Panchayati Raj, Law and Order, Women Empowerment, Health, Agriculture, Education, Energy Sector te bakah tlawmngai pawl te hnathawh dan a hmunah an rawn zirchiang dawn a. Heng District hrang hrangah hian sawrkar hmun pawimawh te tlawhpui an ni anga. Sawrkarin hmasawnna ruhrel a siam mek te a hmunah an fanpui dawn bakah Official pawimawh te leh tlawmngai pawl te nen inhmuhkhawmna hun buatsaihsak an ni anga. State Sawrkar hotulu te pawh hmuhpui tum an ni.

Comments

Popular posts from this blog