Mizoram People Forum (MPF) General Headquarters President atana thlan thar Mizo-ram Synod Moderator Rev. Dr. C. Chawnghmingliana chuan Rev. Dr. Vanlalnghaka Ralte hnen atangin nimin khan mawhphurhna a la.
MPF President mawhphurhna hlan inkhawm hi Synod Committee Room-ah neih hi President kalchhuak ta Rev. Dr. Vanlalnghaka Ralte chuan kaihruaiin MPF President thar Rev. Dr. C. Chawnghmingliana chuan, MPF hruaituten inthlanna thianghlim a awm theihna tur leh sawrkar tha kan neih theihna tura hma an lo lak tawhna lawmawm a tih thu sawiin “MPF chu Politic a tan lam nei lo, a lai taka kal tur kan ni a. MPF a tel pawl leh member ten tan lam neia kan kal hlauh chuan kan tum ram kan hlen thei dawn lova. A lai taka kal thei zel turin kan inbuatsaih a ngai a ni,” a ti.
MPF President tharin mawhphurhna a lak rual hian MPF General Hqrs. a Secretary, Prof. Malsawmliana pawh a term (kum 3) a zawh tawh avangin term thar atan Secretary-ah ruat thar leh a ni bawk a. Prof. Malsawmliana hi Central YMA Asst. Secretary nilai a ni.
Comments
Post a Comment