MPF leh Pol. Party thawhhona sawihona nei

Mizoram People's Forum (MPF) leh Political Party ten thawhhona thuthlung an siam sawihona chu nimin khan Synod Committee Room No. I-ah neih a ni.

    MPF leh Political Party te thawhhona thuthlung sawihona hi nikum Nov. 29 khan Central YMA Committee Room-ah neih ni tawhin nimin-a sawihona hun hi MPF General Hqrs. President Rev. Dr. Vanlalnghaka Ralte chuan a kaihruai a, MPF leh Political Party ten thawhhona thuthlung an buatsaih hi anmahni hming ziah hnan ngei a nih dawn avangin a hlawhtlin theihnan theihtawp chhuah tlang turin a chah a ni.

Nimin-a he sawihona hunah hian Political Party - BJP, MPCC, MNF, PC leh ZPM aiawh mi 2 theuh telin MPF Governing Board Member 18 an tel bawk a, tun tumah hian thuthlung chungchanga rawtna te sawiho niin a tlangpuiin an pawm a. Hemi baka rawtna nei duh Political Party ten January, 2023 chhungin MPF-ah rawtna thlen nise an ti a, hemi hnuah hian a tul a nih chuan Meeting neih leh nise an ti bawk. Meeting nei leh kher lova rawtna lo lut te siamrem theih a nih chuan inhmuhkhawm leh ngai tawh lovin Party te hian thawhhona thuthlung hi ziah mai nise an ti a. MPF in Political Party te Office-ah kalin President theuh te hming an ziah tir ang. Inthlan chungchanga thawhhona thuthlung bakah hian MPF-ah Kohhran pawl dang la tello te an tel ve ngei theihnan tan MPF in chak takin hma la se an ti bawk.

Comments

Popular posts from this blog