Tlungvel Field Veng YMA ten chenna In sak sak

Tlungvel Field Veng Branch YMA te chuan an huamchhunga chhungkaw pakhat chenna In chu hnatlang in an sak sak. Thudawn danin Sawrkar laipui atanga mirethei In sak tanpuina Scheme PMAY-G chu Tlungvel khua ah chhungkaw 39 ten a thawhkhatna Rs. 45,500/- dawngin an zinga mi chhungkaw pakhat chu rualbanlo an nih avang leh mahni a In sa thei an nih loh avangin YMA te hian hnatlang in In hi an sak sak a, YMA te hi ni 5 chhung hnatlang tawhin tha 152 an seng tawh a, In sak hnatlang-a thawk turte hi an inruat bakah mi tlawmngai ten an pui thin bawk a, bialtu MLA le Minister Er. Lalrinawma chuan In chung tur Rangva bundle 4 pein In hi Assam Type in an sak sak a, In sak hna zawhfel hma chu hnatlang hi neih zel tur a ni ang.