Mizoram-ah Prime Minister lehkhabu ziak tlangzarh

/

Rilru engthawl taka zirlai ten Exam an hmachhawn theihna tura Prime Minister Narendra Modi lehkhabu ziah ‘Exam Warriors’ tih chu nimin khan Governor Hari Babu Kambhampati chuan Raj Bhavan Durbar Hall-ah a tlangzarh.

    Lehkhabu tlangzarhna hunah Governor chuan ‘Exam Warriors’ tih lehkhabu chu zirlaite leh nu leh pate tana chhiar ngei chi lehkhabu tangkai bik a ni tih a sawi a. “Exam Warriors hi Prime Minister in zirna a ngaih pawimawhzia tilangtu mai a ni lo a; exam hmachhawn tur zirlai tam tak te mangang leh rilru hah thin chu a vei em em a, kawng dik kawh hmuh tumin a thusawina hmun tam takah hemi chungchang hi a sawi thin a ni,” tiin ‘Exam Warriors’ chu Exam chungchanga zirlaite leh an nu leh pate kawngdik kawh hmuh tumna a ni tih a sawi a. “He lehkhabu-ah hian Exam chu rilru hah leh huphurh ang zawnga hmachhawn tur a ni lo tiin zirlaite leh nu leh pate chu a kawhhmuh a. Exam chu phur takin Kutpui hmang tur anga inbuatsaih a hmachhawn zawk tur a ni a. Kumtluana thawhrimna te hlawk taka seng tura rilru pu turin a fuih a ni,” a ti.

‘Exam Warriors’ Lehkhabu-ah hian 34 Mantras/zirtirna a awm a. Heng zinga 28 hi zirlaite pual niin a dang 6 hi nu leh pate tana chhiar tur a ni thunga . He Lehkhabu-ah hian Zirtirtute hnenah PM Modi in lehkha a thawn leh Yogasanas te pawh a awm tel a. Lehkhabu hi National Book Trust, New Delhi atanga lei theih a ni a, lehkhabu chhutu, Penguin Random House India atanga lei theih a ni bawk. School Education Department hotute chuan lehkhabu hi la chah chhuah an tum tih an sawi bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »