Latest News

Mizoram-ah nikum-a ruahtui tla 2015.1mm a tling

Nikum 2022 khan Mizoram-ah ruahtui 2015.1 mm a tla a. Sik leh sa chawhrual pawh 21.8°C niin kum dang nena khaikhinin inthlak danglam lutuk a ni lo.

    Science & Technoology Department thawktute sawi danin nikum chhung khan Mizoram in thla tin ruahtui a dawng a, July thla-ah dawng hnem berin 460.2 mm a tla a, December-ah tla tlem berin 2.0mm a tla a ni. Ruahtui tlak tam ber ni chu July 22 niin hemi ni hian ruahtui 65mm a tla a, ruahtui hi kum 39 chhunga tla zat chawhrual 2050.5 mm aiin nikum hian a tla tlem hret a ni. Sik leh sa thu ah pawh chawhrualin kumdang nen danglam lutuk a awm lo a. Nikum chhunga temperature hniam ni ber chu January 29 niin hemi ni hian 8 °C a ni a, khaw lum ni ber chu April ni 28 leh 29 niin 32°C a tling a ni.

Kum 10 kalta chhunga ruahtui tlak tam ber ni chu June ni 13, 2017niin 180 mm a tla a, Kum 10 kalta chhung veka khawvawh (temperature hniam) ber ni chu January 13, 2017 niin 2.7°C a ni a, a san (lum) ni ber chu April ni 13, 2017 niin 36.5°C a ni.

Comments

Popular News (Last 30 Days)