AIR Lunglei in Full Fledged Digital Studio kalpui dawn

/

All India Radio (AIR), Lunglei in Full Fledged Digital Studio a kalpuina tur leh tun thla ni 31 thleng Sawrkar laipui flagship programme Swachh Bharat kalpuina hun chu nimin khan neih a ni a, AIR Director, Mizoram Cluster Head DR. Lalropuia chuan a hmanpui a ni.

    AIR Lunglei Conference Hall-a he hun hmanna ah hian AIR Director chuan AIR Lunglei in Full Fledged Digital Studio an nei tur chu hmasawnna atana Mellung pawimawh tak a nih thu leh nikum lamah Digital Console te an lo neih tawh thu a sawi a. India ramah Digitalisation lama hmasawnna nasa tak a awm thu pawh sawiin, AIR pawh Analog atanga Digital lamah hma thar a kai thu leh AIR Digital System chuan hmun dang dang ami te nen inpawhtlang takin an awm theih phah thu a sawi a. North East Station 33 zingah AIR Aizawl leh Lunglei chu E-Office hmang tha zinga mi an nih thu a sawi a. AIR in hmachhawp leh hmathlir hrang hrang a neih te a sawi bawk.

All India Radio, Lunglei hi kum 1995 khan bultan niin tun dinhmunah thawktu nghet 12 leh Casual-a kal 9 an awm mek a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »