PHH te a man tlawmin buhfai pek belh dawn

Supply Minister K. Lalrinliana chuan thla thar atangin Priority Household (PHH) beneficiary te chu mi pakhat zelah buhfai kg. 3 zel a man tlawma pek an ni dawn tih a sawi.

    National Food Security Act, 2013 hnuaia hamthatna dawng thei (PHH leh AAY ration card nei) te tan sawrkar laipui ruahmanna anga January ni 1, 2023 atanga a thlawna buhfai sem a nih hnuah AAY ten thla khatah buhfai kg. 35 zel leh PHH Card nei ten mi pakhat zelah a thlawnin buhfai kg. 5 zel an la thei tih Minister chuan a sawi a, kum hmasa lama hri leng avanga a thlawna buhfai pek thin chu sawrkar laipui in a tihtawp tak avang leh mipuite chu an quota pangngai chauh la tawh tura tih an nih thu a sawi. Supply Minister chuan Sawrkar laipui ruahman anga Ration sem dan thar kalpui mekah PHH Card nei ten an quota, thla khat-ah mi pakhat tan kg. 5 zel chu an kham dawn lo nia a lan avangin Kg.1 Rs. 15 zela an khul theih turin mi pakhat tan kg.3 zel pek belh tura ruahmanna siam a nih thu a sawi a. Hei hi thla thar atanga hman tan tura tih a nih thu leh a senso tur chu State sawrkar tum tur a nih thu a sawi bawk.