Boundary Committee thutkhawm vawi 5-na nei

Mizoram sawrkar din Boundary Committee chu nimin khan a vawi 5-na atan Vice Chairman leh Home Minister Lalchamliana hovin Directorate of Forensic Science Laboratory, Conference Hall-ah an thukhawm.

    Mizoram leh Assam ramri buai chungchanga thuneitu sang Sawrkarin a din Boundary Committe thutkhawm nimin-a neih ah hian Home Minister Lalchamliana chuan Mizoram leh Mizo mipuiin ramri a kan pawm tlan chu kum 1875 ang a ni tih sawiin, hei hi November 17 inbiakna ah pawh an tanchhan a ni tih a sawi a. Ramri chungchangah leh Hnam thilah kan tanrualna leh kan inlungrualna te chu lawmawm tih sawiin, he inbiaknaa thu intawm chhuah bawhzui zelna atan Boundary Committee Member te chu an ngaihdan zau taka sawi turin a sawm a ni.

Ramri dep-a dan leh thupek kenkawh leh tunhnaia Kolasib District depa thil thleng 4 report tawi chu John Neihlaia, IGP (Headquarters) chuan pein November ni 16-17, 2022-a Guwahati-a Mizoram leh Assam aiawhte inbiakna report chu he inbiaknaa tel, Boundary Committee Member Secretary, Home Commissioner leh Secretary H. Lalengmawia IAS in a pe a. Heng report pahnih ngaihthlak a nih hnuah inbiakna hnuhnung bera thu intawm chhuah chungchang chu sawiho niin JAC on IRLF bakah Member dangte pawhin November ni 16-17 a inbiakna thu hawn leh thu intawm chu tha an tih thu an sawi a ni.

He thu intawma point 1-a Mizoram Sawrkarin ramri nia an pawm huamchhunga khua awmte, an area huamchin te, a Geo spatial extent te, heng hmuna cheng mihring chanchin leh Hnam awm (ethnicity) chanchin te leh chanchin dangte chu thla thum chhunga lakkhawma, Assam Sawrkar hnenah thehluh chungchang tihhlawhtlin nan rawtna hrang hrang siam te zau takin thutkhawm ah hian sawiho a ni a, hemi buaipui turin Study Group siam relin Study Group Convenor atan Prof. J Doungel, Mizoram University ruat niin Lalthiamsanga Sailo chu Member Secretary ah ruat a ni. He Study Group-ah hian Land Revenue & Settlement, Environment, Forest & Climate Change Department te leh MIRSAC bakah a tul angin Member dangte ruat ni se tih rel a ni bawk.

Ramri chungchangah hian tum 3 lai High Level Delegation Meeting neih a ni tawh a. August ni 5, 2021 khanAizawl-ah Meeting hmasa ber neih niin a tum hnihna pawh Aizawl-ah bawk August ni 9, 2022 khan neih leh a ni a. A vawi thumna hi Guwahati-ah November ni 17, 2022 khan neih leh a ni bawk a. Heng Meeting pathum hian thu intawm (Joint Statement) an siam vek a ni.

Comments

Popular posts from this blog