Nikum-ah kangmei vangin cheng vbc. 23 hu kangral

Nikum 2022 chhung khan Mizoram-ah kangmei avanga bungraw kangchhe hlut zawng chu cheng vbc. 23 a tling.

  Fire and Emergency Services Department, Mizoram chhinchhiah danin nikum 2022 chhung khan Mizoram-ah ramkang \um 44 leh Inkang 34 a awm a. Heng kangmei a\anga bungraw kangral leh chan zat hlut zawng chhinchhiah chu Rs. 23,69,08,000 a ni a. Hetihlai hian bungraw senghawi leh chhan hman zawng zawng hlut zawng chu Rs. 19,28,23,000 a ni thung.

Chhinchhiahna a\anga a lan danin kum 2022 chhung khan March thla-ah kangmei chhuak tam berin March thla ah khan ramkang 25 leh In kang 9 chhinchhiah a ni a, mi 4 in nunna an chan bawk a. Nikum March thla chhung ringawt a kangmei avanga bungraw chhe zat hlut zawng hi Rs. 17,98,72,000 a tling a ni. Chhinchhiah danin nikum chhung khan khangmei chhuak ah mi 15 in nunna an chan a, mi 11 in hliam an tuar bawk.

Khua a |hal chhoh leh \an tawh avangin mitin te kangmei lakah kan fimkhur a \ul thu leh ram leh In leh lo te a kan loh nan leh kan him tlan zawk nan kan fimkhur tlan a \ul thu Fire Department hotute chuan an sawi a ni.