Latest News

Ruang hmuh finfiah vuiliam

Inrinni zing dar 10:00 vel khan Serchhip IOC Veng-ah ruang pakhat chhar niin IOC Veng a cheng Rohmingthanga (Hmingtea) ruang a ni tih finfiah a nih hnuah nimin khan vuiliam a ni.
Thudawn danin Inrinni chawhma lam dar 10:00 vel khan IOC Veng huamchhung Hermon Veng a cheng mi pakhat chu Vawkchaw zawng turin Hermon Veng leh LAD Office inkar kawr-ah a kal a, hetah hian luikawr-a ruang pakhat lo awm chu hmuin midang a hrilh hnuah ruang hi enfiah niin Hermon Veng-a cheng Rohmingthanga s/o A. Zonunsanga ruang a ni tih hi finfiah nghal a ni a, Police te pawh hriattir nghal niin ruang hi enfiah a nih hnuah Inrinni khan Posmortem a ni a, lumen a nih hnuah nimin khan vuiliam a ni.

Kum 35-a upa Rohmingthanga te hi Hermon Veng ah hian In luahin an khawsa a, a ruang an hmuh hma ni tlai lamah pawh amah hi hmu la awmin a ruang an hmuhna hi an kawmthlang zawn mai a nih avangin zan lamah an In velah hian chesualin a lum palh nia rin a ni a, a taksa ah hian hmuh mai theih ah chuan hliam na lutuk awm lovin a lumna-a a insawhna nia lang hmun hnih khat erawh hmuh tur a awm thung nia thudawn a ni.

Comments

Popular News (Last 30 Days)